İki dost və onların daha yaxşı dil tədrisi uğrunda axtarış yolu
Riçard və Endryu düşünürdü ki, illər ərzində məktəbdə öyrəndikləri fransız dili biliyi onlara kifayət edəcək.
Londonda iş yoldaşı olmuş bu iki dost Fransada iş görüşündə olarkən bir söz belə anlaya bilməmişdilər.
Bu cür uğursuzluq onları iş yerlərini tərk etməyə və danışıq, dinləmə bacarığını inkişaf etdirən dil tədrisi şirkətini yaratmağa sövq etdi.
Şirkət tədris planı kimi oyunlara müraciət edən ilklərdən oldu. Bu unikal məhsuldan ingilisdilli və qeyri-ingilisdilli şəxslərin istifadə edə bilməsi üçün bir şablon hazırlandı.
İllərlə aparılan təcrübələrdən, keçmiş səhvlərdən nəticə çıxardıqdan sonra (məsələn, əvvəllər Avropaya daha çox diqqət yetirildiyi üçün şirkətə "EuroTalk" adını vermək planlaşdırılırdı) "uTalk" artıq dünya miqyasında 150-dan çox dil öyrənməyə kömək edir.
Riçard bu gün də şirkətə rəhbərlik edir və həm o, həm də Endryu artıq fransızca danışa bilirlər!
Öyrənmənin ən yaxşı yolu
"uTalk"un yaradılmasında alimlər, tədqiqatçılar, dilçilər öz əməyini əsirgəməyiblər. Bu, aşağıdakı səbəbə görədir:
Sözün şəkillə əlaqələndirilməsi sözlərin sadəcə yadda saxlanılması prosesindən də güclü bir yaddaş yaradır, buna görə də "uTalk"da eşitdiyiniz hər bir söz və ya ifadə şəkillə təmsil olunur. Buna ikili kodlaşdırma deyilir. Burada beyinin hər iki tərəfi işə düşür: dil biliyini idarə edən sol yarımkürə və vizual məlumatları emal edən sağ yarımkürə.
Səstanıma texnologiyası yaxşı üsuldur, amma yenə də insan qulağı qədər yaxşı deyil. Bu səbəbdən istifadəçilərə "uTalk" oyunlarının birində öz tələffüzünün dil daşıyıcısının tələffüzü ilə müqayisə etmək imkanı verilir.
Yeni məlumatları təkrarlamaq yaddaşı gücləndirir, beləliklə öyrənmək istədiyiniz sözlər fərqli oyunlarda qarşınıza çıxır. Xatırlamaqda çətinlik çəkdiyiniz sözlər isə ağıllı proqram tərəfindən müəyyən edilir, getdikcə tez-tez göstərilir.
"uTalk"un "Təcrübə" bölməsi sözləri qısamüddətli yaddaşınıza həkk etməyə kömək edir, getdikcə çətinləşən digər beş oyunun məqsədi isə onları uzunmüddətli yaddaşınıza daxil etməkdir. Oyunlar qısa, lakin kifayət qədər çətin şəkildə hazırlanmışdır ki, ilk cəhddən 100 %-lik nəticə əldə olunmasın. Bunun üçün fasilə verməli və yenilənmiş zehinlə mövzuya geri dönmək lazımdır. Çünki fasiləli təkrarla öyrənmək fasiləsiz öyrənməkdən daha effektivdir.
"uTalk" öyrənməni əyləncəli edir və motivasiyanı artıran dopamin hormonunun ifrazını artırmağa kömək edir. Buna görə də sevdiyiniz işlə məşğul olun - oyunlar oynayın, xal toplayın və zövq alın!
Dillər bizim üçün nə deməkdir
1000-dən çox dil daşıyıcısı son 15 il ərzində 150-dan çox dildə səs yazmaq üçün "uTalk"un studiyasına gəlib və tətbiqə hər zaman əlavələr edilib.
Məsafədən asılı olmayaraq, səhraya, uzaq adalara da gedə bilərik. Hər bir dil bizə xalq və mədəniyyət haqqında nəsə danışır.
Geniş yayılmış, azlıqda qalan və xüsusilə nəsli kəsilməkdə olan bütün dilləri sevirik!
Ümid edirik, istədiyiniz dil bu tətbiqdə var. Əks təqdirdə, xahiş edirik, bizi həmin dildə danışan şəxslərlə əlaqələndirəsiniz. Biz həmişə tətbiqimizdə öz dillərini təmsil edəcək qurumlar axtarışındayıq. Bunun üçün göstərilmiş ünvana yazmaq xahiş olunur: languages@utalk.com.
Əgər siz sülhməramlı, yaxud humanitar qeyri-hökumət təşkilatında işləyirsinizsə, bu ünvana müraciət edə bilərsiniz: partnerships@utalk.com.
Dil dostlarımız
Dillərlə aparılan iş sayəsində çoxlu dostlar qazandıq. İşlərinə heyran qaldığımız və dəstəklədiyimiz bəzi insanların hekayəsini görmək üçün bura klikləyin:
